აღმოაჩინეთ უწერა

უწერა რაჭის ულამაზესი სოფელია, რომელიც ნებისმიერ სეზონზე, ტურისტულად აქტიურია. უწერის მთავარი ხიბლი, სუბალპური ბუნება და ულამაზესი ტყეებია, რომელიც განსაკუთრებით ფერადი, შემოდგომობითაა. ტყეებით დაფარულ მთებთან ერთად, უწერა გასაოცარი მწვერვალების ხედებითა და სამკურნალო თვისებების მქონე ჰავით გამოირჩევა.

თბილისიდან უწერამდე მანძილი 243 კილომეტრია და კერძო მანქანით, ამ მანძილს დაახლოებით 3 საათში გაივლით. თბილისიდან უწერას მიმართულებით არ მოძრაობს სამარშრუტო ტაქსი, თუმცა შეგიძლიათ ბიუჯეტური მგზავრობისთვის, გამოიყენოთ თბილისი-ონის მიმართულებით მოძრავი სამარშრუტო ტაქსები, რომლებიც თბილისის ავტოსადგურიდან ინიშნება. ონიდან კი ასევე შეგიძლიათ ისარგებლოთ კერძო სამარშრუტო ტაქსებით უწერის მიმართულებით.

უწერა რაჭა–ლეჩხუმის ისტორიულ მხარეში, ზღვის დონიდან 1050 მეტრზე მდებარეობს. ის ონის მუნიციპალიტეტის შემადგენლობაში შედის და მინიჭებული აქვს კლიმატურ–ბალნეოლოგიური კურორტის სტატუსი. ჰავასთან ერთად, უწერაში შეგიძლიათ დააგემოვნოთ რკინის შემცველი მინერალური წყალი, რომელიც ასევე სასარგებლოა იმუნიტეტისთვის და სხვადასხვა დაავადებების პრევენცირებისთვის.

ჯანმრთელობისთვის სასარგებლო ჰავის გარდა, ტურისტები სოფელს სტუმრობენ ულამაზესი ბუნებისა და გასაოცარი ღირსშესანიშნაობების გამო. უწერას ფერადი ფოთლოვანი ტყეები განსაკუთრებულად მეტ ტურისტს, შემოდგომობით იზიდავს.

მთა–გორიანი სოფლიდან ასევე შეგიძლიათ ისიამოვნოთ ულამაზესი მთის ხედებით და უძველესი კულტურული ძეგლებით. შუა საუკუნეების ეკლესიებთან ერთად, უწერა პოპულარულია მათთვის, ვისაც უყვარს ლაშქრობა ან უბრალოდ, სუფთა ჰაერზე დასვენება და პიკნიკის მოწყობა.

სოფელი უწერა რაჭის ერთ–ერთი უძველესი დასახლებაა. ისტორიულად, უწერას შესახებ მონაცემები ფეოდალური ხანიდან მოიპოვება, როდესაც იმერეთის მეფემ, ალექსადრე მეოთხემ რაჭაში გაილაშქრა და სოფელი უწერა გადაწვა. ფეოდალურ პერიოდში, უწერას აქტიურ სამონასტრო ცხოვრებას მოწმობს დღემდე შემორჩენილი უძველესი ეკლესიის ნანგრევები, მათ შორის ვახუშტი ბაგრატიონის მიერ მოხსენიებული “სიონი” და წმინდა გიორგის სახელობის უძველესი ბაზილიკის ნანგრევები. უწერაში ასევე შემორჩენილია ფეოდალური ხანის ციხის ნანგრევებიც.

როგორც, კლიმატურ-ბალნეოლოგიური კურორტი, უწერა წარსულშიც და დღესაც აქტიურად მასპინძლობს კლიმატოთერაპიის საჭიროების მქონე მოგზაურებს.

გეოგრაფიულად, უწერა ონის მუნიციპალიტეტის შემადგენლობაში შედის. სოფელი, მდინარე რიონის ნაპირებზეა გაშენებული. ზღვის დონიდან 1050 მეტრზე მდებარე დასახლებას, ოფიციალურად აქვს კლიმატურ-ბალნეოლოგიური კურორტის სტატუსი, რომლის ნოტიო ჰავა, სასარგებლო ეფექტის მქონეა ნებისმიერი ადამიანის ჯანმრთელობაზე.

რაც შეეხება ტემპერატურასა და მოგზაურობისთვის ხელსაყრელ ამინდებს, უწერა ამ მხრივ კომფორტული კურორტია. მისთვის დამახასიათებელია თბილი ზაფხული და ზომიერად ცივი ზამთარი. ზამთარში საშუალო ტემპერატურა -5 ცელსიუსია.

უწერა ნებისმიერ სეზონზე ულამაზესია სამოგზაუროდ, თუმცა კლიმატოთერაპიის და ამინდების კუთხით, საუკეთესო პერიოდი მოგზაურობისთვის მაისი-ოქტომბერია. ამ დროს ბუნება განსაკუთრებულად ფერადია, ხოლო ამინდები პიკნიკისთვის თუ სეირნობისთვის, ხელსაყრელი.